WALONG GOVERNMENT OFFICE AT ESTABLISMENT SA BAYAN NG ASINGAN NAKATANGAP NG SAFETY SEAL CERTIFICATION DAHIL SA MAHIGPIT NA PAGPATUPAD NG HEALTH PROTOCOLS
Ginawaran ng Safety Seal Certificate ng Department of the Interior and Local Government (DILG) ang Mayor’s Office, Vice Mayor’s Office, Philippine National Police, Bureau of Fire Protection, Municipal Local Government Operation Office, Municipal Disaster Risk Reduction Management Office at opisina ng DILG matapos na maipasa ang mga health and safety protocol upang maiwasan ang pagkakaroon ng COVID-19.
Ang Safety Seal ay libreng ipinamamahagi na may validity na hanggang anim na buwan mula sa petsa kung kailan ito naibigay at renewable.
Kabilang sa mga health protocols na ito ang paglalagay ng foot bath, hand sanitizer o alcohol, pagkakaroon ng thermal scanner at record book ng bawat establisyemento ganundin ang pagsusuot ng face mask at face shield at pag-obserba sa social distancing.
“Every big establishment or small establishment is required hindi talaga hihigpitan kundi hihikayatin pati ang ating mga negosyante na sumunod dito sa magandang patakaran kasi para din sa kanila ito at para din sa kanilang mga client. ” saad ni Mayor Carlos Lopez Jr..
Romel Aguilar / Photo JC Aying