MGA SENIOR CITIZEN, BUNTIS AT PWD BIBIGYAN NG PRIORITY LANE SIMULA AUGUST 9 AYON SA PHILSYS ASINGAN
Simula ngayong Lunes August 9 ay maglalagay ang Philippine Identification System (Philsys) Asingan ng priority lane para sa mga Senior Citizen, Persons with Disabilities (PWD) at sa mga Buntis.
Bawat Linggo ay nasa tatlong barangay ang mabibigayan ng prayoridad upang maiayos ang kanilang rehistrayon ng Step 1 at Step 2 ng National ID.
“Kukuha muna sila ng number doon sa barangay (Barangay Secretary) nila kasi yun na po yung basis namin na galing sila sa barangay na yun, pag walang pirma po ng secretary hindi po natin ica-cater.” saad ni Jessica Mariano, Supervisor ng PhilSys Asingan.
Uunahin ang Barangay Sanchez (August 9-10), Barangay Poblacion West (August 11-12) at Barangay Sobol (August 13-14).
Para sa mga katanungan at schedule ng mga barangay, bisitahin lamang ang kanilang facebook account https://www.facebook.com/PhilsysAsingan
Romel Aguilar / Photo JC Aying