SB Asingan, nakiisa sa pagdiriwang ng Arbor Day
Nakiisa ang Sangguniang Bayan ng Asingan sa pangunguna ni Vice Mayor Heidee Chua
sa isinagawang tree planting activity kaninang umaga sa Sitio Departe, Barangay Bantog.
Ang aktibidad ay bahagi ng selebrasyon ng Arbor Day.
Noong 2012, nilagdaan ni dating Pangulo Benigno Aquino III ang Republic Act No. 10176 o Arbor Day Act of 2012. Sa pamamagitan ng batas na ito ay pinatatag ang Arbor Day bilang isang taunang kaganapan para sa mga local government unit na magdeklara ng araw ng pagtatanim ng puno.
Sa ilalim ng batas na ito, binigyang diin na ang lahat ng mga mamamayan ng Pilipinas na may edad labing dalawa pataas ay kinakailangan na magtanim ng kahit isang puno bawat taon.
Writer Akosi MarsRavelos
Photo JC Aying
Rome Butuyan Bagood