Bayan ng Asingan, Kabilang sa Pinarangalan ng DILG Region 1 Dahil sa Maayos na Paggamit ng Pondo sa mga Proyekto

Muling nanguna ang bayan ng Asingan sa ika-anim na distrito ng Pangasinan ng mapabilang ito sa mga awardees ng prestiyosong SUBAYBAYANI o Subaybayan ang Proyektong Bayan.
Iginagawad ang SUBAYBAYANI Award sa mga Local Government Unit o LGU na mayroong mahusay at maayos na pangangasiwa sa proyektong nasa ilalim ng programa ng Department of the Interior and Local Government (DILG).
Sabay na tinanggap ni Asingan Mayor Carlos Lopez Jr. at Municipal Local Government Operations Officer Catherine Velasquez ng DILG Asingan ang Plaque of Recognition mula DILG Region I.