?????? ???????? ??? ??????? ?? ???????? ???? ?, ????????? ??????? ??????

Binisita ngayong umaga ni Asingan Mayor Carlos Lopez Jr. ang barangay Calepaan upang tignan ang idinadaing ng mga magsasaka tungkol sa luma’t sirang box culvert na nasa Zone 7.

“Hindi sila makapag patubig sa kanilang mga pananim, kung hindi natin maayos yun. At yung daanan nila nakita niyo naman halos niremedyo na lang nila. Nilagyan nila ng kahoy at very risky din yun sa mga magsasaka. Baka mamaya matumba pa yung kanilang mga equipment atleast ngayon bigyan na natin kaagad ng agarang aksyon. ” pahayag ng alkalde.
Ayon pa kay Mayor Lopez Jr., kabilang na din sa nakita niyang may problema ng box culvert na isasaayos ay nasa checkgate sa zone 2 at dragging irrigation canal na nasa zone 1.

Tiniyak naman ng alkalde na ngayong linggo masisimulan ang pagsasayos sa mga ito upang maiwasan ang peligro at aksidente.