Tiniyak ni outgoing 5th district Congressman at incoming Governor Ramon Guico III na maisasakatuparan ang pagpapatayo ng Eastern to Western Pangasinan Expressway gayundin ang pagtututok sa healthcare system sa mga provincial government-run hospitals sa isang presscon na ginanap sa bayan ng Lingayen.

Ayon din kay Governor-elect Monmon Guico III na ang expressway ay makapagbibigay ng mas maginhawang biyahe patungo sa mga kilalang tourist destinations sa probinsya.

Sa pamamagitan nito, makapagbibigay ng mas maraming trabaho para sa mga Pangasinense at makakasuporta rin sa balak na economic zones.

Dagdag pa kay Governor Guico III, may mga nakalatag ng plano para sa economic zones sa bayan ng Lingayen, Mangatarem, Aguilar at Alaminos City.

Maging ang pagco-computerize sa records ng mga pasyente sa labing-apat na provincial government-run hospitals sa probinsiya kabilang na ang pagdaragdag ng medical diagnostic equipment at medical personnel sa mga pagamutan.