BFP Asingan, Kabilang sa Rumesponde sa Sunog ng Tindahan ng Gulong sa Urdaneta City
Isang commercial establishment ang nilamon ng apoy sa Barangay Nancayasan sa siyudad ng Urdaneta linggo ng madaling araw.
Umabot sa ika-tatlong alarma ang sunog at inabot ng hanggang alas kuwatro ng hapon ang pag-apula sa sunog.
Mabilis namang nakapagresponde sa fire incident ang Urdaneta City BFP katuwang ang BFP Rosales, BFP Villasis at BFP Asingan.
“Ang BFP po natin hindi na lang po dito sa ating bayan, kung kinakailangan po tayo sa ibang karatig na bayan natin, talagang reresponde po tayo anytime. Maswerte lang kasi tayo kasi may dalawa tayong firetruck, kasi pwede natin magamit yung isa sa pag augment sa mga emergency sa ating lugar.” ani ni Inspector Rogelio Quizon Jr., Municipal Fire Marshal ng BFP Asingan.
Naka antabay din ang isang ambulansya upang umagapay sa mga aksidente sa lansangan sa pamimigay ng Emergency Medical Services sa mga magiging biktima.