Pagpapaayos at pagpatag ng kalsada humingi ng ayuda sa Provincial Government.

Sa unang araw ng pag upo ni Mayor Carlos Lopez Jr agad nitong sinulatan ang Engineering Office ng Provincial Government para sa pagpapasaayos at pagpatag ng kalsada sa junction ng Asingan-Urdaneta Road na umano’y nagiging suliranin dahil sa baku-bako at maputik na kalsada na nagdudulot ng abala sa mga motorista at mananakay.

Gustuhin man ni Mayor Lopez na ipagawa ang parteng ito sa Crossing ay hindi nila ito maaaring galawin sapagkat hindi ang LGU o local government unit ng Asingan ang dapat na magpaayos nito, kundi ang Provincial Government.