TESDA, MAY ALOK NA LIBRENG KURSO SA TRAINERS METHODOLOGY, EPAS, AT EVENTS MANAGEMENT
Magandang balita para sa mga nagnanais mag-aral at magpalawak ng kanilang kasanayan! Nag-aalok ang TESDA-LMMSAT ng libreng pagsasanay at assessment para sa mga kwalipikadong aplikante.
Tatlong kurso ang available sa mga nais mag-apply, at may limitadong slots na bukas para sa bawat isa:
- Trainers Methodology Level I – 25 slots, 33 araw (kinakailangang may valid National Certificate)
- Electronic Products Assembly and Servicing NC II – 25 slots, 33 araw
- Events Management Services NC III – 25 slots, 14 araw
Ang mga mapapalad na TESDA Iskolar ay magkakaroon ng benepisyo hindi lamang sa libreng pagsasanay at assessment, kundi makakatanggap din ng ₱160 daily allowance.
Magkakaroon ng orientation sa May 25, 2026, Lunes, alas-10 ng umaga, sa TESDA-LMMSAT Function Hall.
Ang mga aplikante ay kinakailangan magdala ng mga sumusunod na dokumento:
• Kopya ng Birth Certificate
• Kopya ng Form 137/138/OTR/ALS Certificate
• 2 pirasong passport size picture na may puting background at may kwelyo
Paalala: Bukas ang programa sa mga indibidwal na may edad 18 taon pataas.
Paalala rin ng TESDA-LMMSAT, sa ngayon ay wala pang available na slots o schedule para sa mga kursong hindi kasama sa listahan.
Patuloy na mag-a-update ang ahensya sa kanilang mga social media accounts para sa mga susunod na impormasyon.
Huwag palampasin ang pagkakataong makapag-aral ng libre!
