Aarangkada sa Hulyo 1 ang iba’t ibang serbisyo sa ilang barangay sa bayan ng Asingan bilang bahagi ng patuloy na paghahatid ng tulong sa mga mamamayan.

Sa Barangay Toboy, isasagawa ang PhilHealth YAKAP at Gamot Program para sa libreng konsultasyon at gamot ng mga kwalipikadong residente.

Samantala, magkakaroon naman ng pamamahagi ng libreng binhi sa Barangay Sanchez at Barangay Cabalitian bilang suporta sa backyard gardening at pagpapalakas ng lokal na produksiyon ng pagkain.

Sa Cabalitian, isasagawa rin ang libreng purga at bakuna para sa mga alagang kalabaw, baka, at kambing upang makatulong sa pangangalaga sa kalusugan ng mga hayop na katuwang ng mga magsasaka sa kanilang kabuhayan.