Asingan, Pangasinan – Nanawagan si Mayor Carlos Lopez Jr. sa Pangasinan Electric Cooperative III (PANELCO III) para sa madaliang pagpapanumbalik ng kuryente sa mga barangay sa Asingan na naapektuhan ng Super Typhoon Uwan.
Sa isang opisyal na liham na ipinadala kay Engr. Casem ng PANELCO III, ipinaabot ng alkalde ang listahan ng mga barangay at sitio na hanggang ngayon ay nakararanas pa rin ng power interruption: Sitio Ormoc sa Carosucan Sur; Zone 4 hanggang Zone 7 ng Ariston West; Sitio Dusan sa Dupac; Barangay Coldit; ilang bahagi ng Barangay Toboy; Purok Silaw sa Isem, Domanpot; Zone 2 sa Calepaan; at bahagi ng Poblacion West.
Ayon kay Mayor Lopez, mahalagang maibalik agad ang kuryente sa mga naturang lugar upang matiyak ang kaligtasan, kaayusan, at kaginhawaan ng mga residente matapos ang hagupit ng bagyo.
“Lubos naming pinahahalagahan ang inyong agarang aksyon upang maibalik ang suplay ng kuryente sa mga apektadong komunidad,” saad sa liham ng alkalde.