Dalawang siklista mula sa Asingan, Pangasinan ang kabilang sa District 6 – Team III na sasabak sa nalalapit na Tour de Pangasinan: Padyak sa Kalayaan 2026 sa Hunyo 12, 2026.

Sina Jefferson Valdez at Jeric Balanag ang dalawang Asinganians na magdadala ng pangalan ng kanilang bayan at ng buong District 6 sa naturang kompetisyon.

Batay sa inilabas na event map, aabot sa 143 kilometro ang kabuuang ruta ng karera, na magsisimula sa Umingan Super Community Hospital at magtatapos sa Provincial Capitol.

Bukod kina Valdez at Balanag, kasama rin sa Team III sina Marvin Tabayan, Justin Rain Suitos, at Jomel Delos Reyes mula sa Umingan; Ronnie Ramos mula sa Rosales; at Ruben Dela Cruz mula sa Natividad.

Narito ang lineup ng District 6 – Team III:

Jefferson Valdez – Asingan, Pangasinan

Marvin Tabayan – Umingan, Pangasinan

Ronnie Ramos – Rosales, Pangasinan

Justin Rain Suitos – Umingan, Pangasinan

Jeric Balanag – Asingan, Pangasinan

Jomel Delos Reyes – Umingan, Pangasinan

Ruben Dela Cruz – Natividad, Pangasinan

Inaasahang magiging matindi ang laban sa nasabing cycling event habang ipapakita ng mga kalahok ang kanilang lakas, tiyaga, at disiplina sa kalsada.

Para kina Valdez at Balanag, pagkakataon ito upang ipamalas ang galing ng mga Asinganians at magdala ng inspirasyon sa kapwa siklista at sa kanilang komunidad.

Suportado naman ng District 6 ang Team III sa kanilang paglahok sa Tour de Pangasinan 2026, isang kompetisyong naglalayong itampok ang sportsmanship, determinasyon, at pagkakaisa ng mga Pangasinense.