Nakatakdang isagawa ng lokal na pamahalaan ng Asingan, sa pamamagitan ng Public Employment Service Office, ang “Trabaho Agad – Job Fair 2026” sa Huwebes, Hunyo 11, 2026, alas-8:00 ng umaga, sa Mayor Carlos P. Lopez, Sr. Public Auditorium, Asingan, Pangasinan.

Layunin ng nasabing job fair na mabigyan ng pagkakataon ang mga naghahanap ng trabaho na makapag-apply, makausap ang mga recruiter, at masubukan ang iba’t ibang oportunidad sa ibang bansa.

Kabilang sa lalahok sa job fair ang Jenerick International Manpower Inc., na mag-aalok ng iba’t ibang overseas job opportunities para sa mga kwalipikadong aplikante.

Ayon sa anunsiyo, kabilang sa mga bansang may available job openings ang Slovakia, Saudi Arabia, Poland, Qatar, at Papua New Guinea.

Para sa Slovakia, bukas ang oportunidad para sa Chef, Truck Driver, Kitchen Helper, Warehouse Worker, at Worker Assembly. Sa Saudi Arabia, kabilang sa mga hiring ang Bus Driver, Cleaner, Facilities and Office Worker, Kitchen Worker, Manufacturing Worker, Shelves Packer, Waiter, Waitress, at Warehouse Worker. Sa Poland, may oportunidad naman para sa Truck Driver.

Sa Qatar, kabilang sa mga posisyong maaaring applyan ang Anesthesia Technician, Beautician, Cleaner General Female, Cleaner General Male, Dental Assistant, Driver, General Cleaner/Worker, Health Insurance Officer, Infection Control Technician, Nurse, Nurse Assistant, Physiotherapist Technician, Radiologist Technologist, Sterilization Technician, Therapist Massage, at X-Ray Technician.

Samantala, sa Papua New Guinea, bukas ang mga posisyon tulad ng Accountant Corporate, Chef, Corporate Service Manager, Customer Service Manager Retail, Customer Service Manager Wholesales, Distribution Manager – Grocery, Fleet Manager, Grocery Retail Branch Manager, Grocery Retail Department Manager, Internal Audit Manager, Inventory Control Manager, Marketing Manager – Grocery, Medical Technologist, Operation Accountant, Pharmacist, Plant Manager – Food Services, Production Chef, Refrigeration Service Manager, Restaurant Manager, Risk Manager, Sales Manager, Warehouse Manager, at iba pang kaugnay na posisyon.

Hinihikayat ang mga interesadong aplikante na magdala ng maraming kopya ng updated résumé, kopya ng passport kung mayroon, at Certificate of Employment na may kaugnayan sa work experience kung available. Pinapayuhan din ang mga aplikante na maging handa sa interview at on-the-spot application.

Para sa karagdagang impormasyon, maaaring makipag-ugnayan kay Ms. Claudia sa 0929 643 6219 o sa PESO LGU-Asingan sa 0991 434 4148.

Paalala rin ng organizers na walang anumang bayad na kokolektahin mula sa mga aplikante at mag-ingat laban sa illegal recruiters at human traffickers.