Inaanyayahan ang mga naghahanap ng trabaho na dumalo sa Job Fair na gaganapin sa susunod na Huwebes, Hunyo 11, 2026, sa Mayor Carlos P. Lopez Sr. Public Auditorium mula alas-8:00 ng umaga hanggang alas-12:00 ng tanghali.

Lalahukan ang aktibidad ng iba’t ibang lokal at internasyonal na kumpanya na mag-aalok ng maraming bakanteng posisyon para sa mga kwalipikadong aplikante. Layunin nitong mabigyan ng mas malawak na oportunidad sa trabaho ang mga naghahanap ng hanapbuhay at direktang maiugnay sila sa mga employer.

Ayon sa mga tagapag-organisa, inaasahang makatutulong ang Job Fair upang mapadali ang paghahanap ng trabaho at mabigyan ng pagkakataon ang mga aplikante na malaman ang iba’t ibang career opportunities na inaalok ng mga kalahok na kumpanya.

Pinapayuhan ang mga interesadong dumalo na magdala ng updated resume o biodata at maging handa para sa posibleng aplikasyon at panayam sa mismong lugar.

Hinihikayat ang publiko, lalo na ang mga naghahanap ng trabaho, na samantalahin ang pagkakataong ito upang makahanap ng bagong hanapbuhay at mapalawak ang kanilang mga oportunidad sa karera.