Nagpahayag ng pasasalamat si Mayor Carlos Lopez Jr. sa Asingan Hawaii Association, sa pangunguna ni Rene Fernandez, sa ipinagkaloob na bagong sound system para sa Lokal na Pamahalaan ng Asingan.

Ayon kay Mayor Lopez Jr., malaking tulong ito sa mga aktibidad ng munisipyo, lalo na sa auditorium at municipal gymnasium.
“Pasalamat tayo sa Asingan Association of Maui na agad tumugon sa ating pangangailangan. Sila na rin mismo ang bumili ng sound system, kaya hindi na kailangang magrenta,” ani ng alkalde.
Ang donasyong ito ay simbolo ng patuloy na malasakit at suporta ng mga Asinganian sa Maui para sa kanilang bayang sinilangan.