Personal na binisita at ininspeksyon ni Asingan Mayor Carlos Lopez Jr. ang pinapagawang dalawang bagong palapag na barangay hall ng Poblacion East at Poblacion West.

Ang mga proyektong ito ay mula sa Internal Revenue Allotment o IRA ng LGU para sa taong 2022.

Naglaan ang LGU ng pondong nagkakahalaga ng 2.5 milyong piso sa bawat Barangay Hall.

“Nakita ko yung tuwa ng bawat barangay official at bilang ama ng bayan natutuwa din ako at nasisiyahan kasama ko ang Sangguniang Bayan na pinapangunahan ni Vice Mayor Heidee Chua kaming lahat natutuwa sa accomplishment natin. Mas maganda yung tulong tulong kaya nga may team unity, yung team unity na ito ang alam kong susi sa mas productive pa na Asingan.” ani ng alkalde.

Ayon din kay Mayor Lopez Jr. sunod niyang isasaayos ang mga barangay health center na hindi pa tapos habang inaantay ang kompirmasyon ng Barangay Bantog sa lupang pagtatayuan ng bagong barangay hall nito.

Sa kasalukuyan ay on-going na rin ang ginagawang bagong barangay hall ng barangay Sobol ito ay sa tulong na rin at pondo ni 6th District Congressman Atty. Tyrone Agabas.