Umabot sa isangdaan at animnapung residente sa malalayong barangay ang nabakunahan ng Sinovac sa isinagawang pilot testing ng “Bakunahan sa Barangay” ng Rural Health Unit of Asingan kahapon araw ng Miyerkules sa barangay Carosucan Sur.

Kabilang dito ang pitumpu’t siyam na taong gulang na si nanay Josephine Calivo.

“Kaya ako nagpabakuna dahil nagbibiyahe ako ng tabako sa Cagayan Valley kailangan yung card pero awa ng Dios wala naman akong nararamdaman, siyempre kung andyan na yung covid kung tinamaan ka meron kang proteksyon.” pahayag ni nanay Josephine.

Sa huling datos ng RHU Asingan ay umabot na sa labing-siyam na libo tatlong daan at tatlumpu’t siyam (19, 339) ang nabakunahan ng Sinovac, Janssen, Pfizer at Moderna.

Habang nasa limang libo anim na raan at animnapu’t pito (5,667) ang fully vaccinated na dito.

Samantala, nasa apatnapu’t dalawa (42) na lamang ang aktibong kaso ng COVID-19 sa bayan ng Asingan.