Personal na binisita ngayong araw ni Asingan Mayor Carlos Lopez Jr. ang vaccination site upang tignan ang isinasagawang pagbabakuna sa mga residente ng barangay Carosucan Sur at barangay Carosucan Norte.

“Ako’y natutuwa at nagpapasalamat sa dalawang punong barangay ng Carosucan Sur at Carosucan Norte, dahil atleast yung mga porsyento ng mga naiwan pang hindi nabakunahan sa Asingan andun na sila. So very effective itong pagbabarangay natin at itoý nakakatulong sa ating mga kababayan, lalong lalo na sa mga talagang walang pamasahe na papunta dito sa bayan.” ani ng alkalde

Bukas araw ng martes, December 7, ang malalayong barangay ng Ariston East, Barangay Ariston West at Barangay Bantog ang susunod na pupuntahan ng Municipal Health Office .

“Bukas ay nasa tri-barangay kami pero yung venue ay sa Ariston-Bantog Elementary School. Siyempre ang isang problema diyan yung pamasahe kaya hindi sila nakakapunta dito sa bayan. Para matulungan naman natin yung mga kababayan natin na kulang na kulang, yung mga staff na lang ang lalapit.” pahayag ni Dr. Ronnie Tomas, Municipal Health Officer ng Asingan.